Փետրվարի 17-ին ՀՀ ոստիկանության պետի տեղակալ, ոստիկանության գնդապետ Արա Ֆիդանյանն ընդունեց Հայաստանում Եվրոպայի խորհրդի գրասենյակի ղեկավարի պաշտոնակատար Մաքսիմ Լոնգանգեի գլխավորած պատվիրակությանը:
Ողջունելով հյուրերին՝ Արա Ֆիդանյանը կարևորեց եվրոպական կառույցների հետ համագործակցությունը և ներկայացրեց ոստիկանությունում ընթացող բարեփոխումները՝ խոսելով ներքին գործերի նախարարության և պարեկային ծառայության ձևավորման մասին։
Մաքսիմ Լոնգանգեն նշեց, որ Եվրոպայի խորհուրդն իր պատրաստակամությունն է հայտնում աջակցություն ցուցաբերելու ՀՀ ոստիկանությանը, նաև մի շարք միջոցառումներ իրականացնել ոստիկանությունում ընթացող բարեփոխումների շրջանակներում։
Կողմերը պատրաստակամություն հայտնեցին «Հայաստան-Եվրոպայի խորհուրդ 2019-2022 թթ. գործողությունների ծրագրի» շրջանակներում սերտորեն համագործակցել ընտանեկան բռնության, խոշտանգումների և վատ վերաբերմունքի կանխարգելման, կիբեռհանցավորության և այլ ուղղություններով։
Հանդիպմանը քննարկվեցին փոխադարձ հետաքրքրություն ներկայացնող մի շարք հարցեր ևս։
Այս մասին տեղեկացնում են ՀՀ ոստիկանությունից։
