Փետրվարի 18-ին, ժամը 11.30-ին, ոստիկանության Դավիթաշենի բաժանմունքի ծառայողները, գողություն կատարելու կասկածանքով, Շենգավիթի 14-րդ փողոցից բերման են ենթարկել 28-ամյա մի տղամարդու։
Նա տվել է խոստովանական բացատրություն, որ 2020 թ. սեպտեմբերին գողացել է Դավիթաշենի 3-րդ թաղամասի բակերում կայանված «ԲՄՎ» մակնիշի ավտոմեքենայի կողային հայելիները:
Տուժողից ընդունվել է հաղորդում:
Ձեռնարկվում են միջոցառումներ՝ գողոնը հայտնաբերելու ուղղությամբ:
Այս մասին հայտնում է ՀՀ ոստիկանությունը։
