ԵՄ Գրական մրցանակի հայաստանյան ազգային ժյուրիի նախագահ գրող, ՊԵՆ Հայաստանի նախագահ Արմեն Հայաստանցի Օհանյանը քիչ առաջ ուղիղ եթերում հայտարարեց ԵՄ Գրական մրցանակին արժանացած առաջին հայ հեղինակի անունը․ Արամ Պաչյան՝ P/F գրքի համար, այդ մասին տեղեկանում ենք Creative Europe Armenia էջից։
«Շնորհավորում ենք հեղինակին, ԷՋ հրատարակչությանը և բոլորին, ովքեր մասնակցել են գրքի ստեղծմանը։
Հայաստանի գրական դաշտն այսուհետ ԵՄ Գրական մրցանակի մեծ մշակութային ցանցում ներկայացված կլինի թեկնածու և հաղթող հեղինակների ստեղծագործություններով, նրանց անունը և գրքերը կհանրահռչակվեն եվրոպական գրական միջոցառումների, գրքերի տոնավաճառների և մրցույթների ընթացքում»։
