Արցախի Մարտունի քաղաքում մեկնարկել են բազմաբնակարան նոր թաղամասի շինարարական աշխատանքները: Այդ մասին տեղեկացնում են Արցախի քաղաքաշինության նախարարությունից:
Մարտունու հին հիվանդանոցի տեղում կառուցվելու է 4 հինգհարկանի 116 բնակարաններով շենքեր` ժամանակակից չափորոշիչներին համապատասխան։
Կկառուցվեն խաղահրապարակներ, ավտոկայանատեղի, կբարեկարգվի մերձակա տարածքը։ Նորակառույց բնակարանները կտրամադրվեն սոցիալական տարբեր ծրագրերով։
Նոր թաղամասի շինարարությունը իրականացնում է «ՖԵՐԶԻՏ» ՍՊ ընկերությունը։
