Սամվել Գևորգյանը դարձավ ըմբշամարտի Եվրոպայի Մ23 տարեկանների առաջնության բրոնզե մեդալակիր

Հայաստանի հունահռոմեական ոճի ըմբշամարտի երիտասարդական թիմի անդամ Սամվել Գևորգյանը դարձավ Եվրոպայի Մ23 տարեկանների առաջնության բրոնզե մեդալակիր:

«Արմենպրես»-ի հաղորդմամբ` Հյուսիսային Մակեդոնիայի մայրաքաղաք Սկոպեում ընթացող առաջնության 77 կգ քաշային կարգի բրոնզե մեդալի համար գոտեմարտում հայ ըմբիշն ուժերը չափեց վրացի մարզիկի հետ և առավելության հասավ 11:4 հաշվով

Ավելի հայտնի էր դարձել, որ 63 կգ քաշային կարգի եզրափակիչում Պողսյանը ուժերը չափեց Շվեդիայից Նիկլաս Օհլենի հետ և առավելության հասավ 4:1 հաշվով:

72 կգ քաշային կարգում Մալխաս Ամոյանը կպայքարի երիտասարդների Եվրոպայի առաջնության չեմպիոնի կոչման համար: Նա պայքարը սկսեց 1/8 եզրափակչից, որտեղ 6:1 հաշվով առավելության հասավ վրացի Օտար Աբուլաձեի նկատմամբ, հաջորդից հաղթեց ադրբեջանցի Քասայ Հասանլիին 7:0 հաշվով և կիսաեզրափակիչում ուժերը չափեց ռուս Սերգեյ Կուտուզովի հետ: Հայ ըմբիշը հաղթեց 4:1 հաշվով ու դուրս եկավ եզրափակիչ: