Գրոսմայստեր Լևոն Արոնյանը շարունակում է ոչ-ոքիների շարքը Բուխարեստի միջազգային մրցաշարում:
«Արմենպրես»-ի հաղորդմամբ` Superbet Chess Classic մրցաշարի 4-րդ տուրում Արոնյանի մրցակիցը Նիդերլանդների ներկայացուցիչ Անիշ Գիրին էր:
Հայ շախմատիստը խաղում էր սև խաղաքարերով: Պարտիայի 34-րդ քայլին շախմատիստները համաձայնեցին կիսել միավորը:
Այժմ Արոնյանը միայն 7-րդն է 2 միավորով: Առաջատարները 2,5 միավորով Ուսելի Սոն և Ալեքսանդր Գրիշչուկն են:
Superbet Chess Classic մրցաշարին մասնակցում են Լևոն Արոնյանը, Ուեսլի Սոն, Շահրիար Մամեդյարովը, Ռիխարդ Ռապորտը, Ֆաբիանո Կարուանան, Ալեքսանդր Գրիշչուկը, Անիշ Գիրին, Թեյմուր Ռաջաբովը, Մաքսիմ Վաշյե-Լագրավը և այլք: Մրցաշարը կանցկացվի հունիսի5-15-ը:
10 տուրից բաղկացած մրցաշարի մրցանակային ֆոնդը կազմում է 325 000 հազար եվրո: