Կեսգիշերին մոտ ձերբակալվել է Հայաստանի հանրապետական և «Հայրենիք» կուսակցությունների «Պատիվ ունեմ» դաշինքի պատգամավորության թեկնածու, Արմավիրի նախկին քաղաքապետ Ռուբեն Խլղաթյանը։
Այդ մասին ֆեյսբուքյան էջում տեղեկացրել են թեկնածուի պաշտպանները:
«Հարգելի քաղաքացիներ,Տեղեկացնում եմ, որ րոպեներ առաջ ձերբակալվել է «Պատիվ ունեմ» դաշինքի պատգամավորության թեկնածու Ռուբեն Խլղաթյանը (Արմավիրի նախկին քաղաքապետ)։Հայտարարում ենք, որ ձերբակալումը կրում է բացառապես քաղաքական հետապնդման երանգ։
Ամբողջը շինծու և ապօրինի է։ Այն նպատակ ունի ընտրություններից առաջ խոչընդոտել «Պատիվ ունեմ» դաշինքի քաղաքական գործունեությունը։
Ռ. Խլղաթյանի պաշտպաններ՝
Գայանե Պապոյան
Արսեն Սարդարյան
ԼՐԱՑՎԱԾ՝
Ձերբակալության իրավաչափության վերաբերյալ պաշտպաններիս բողոքը ներկայացվել է դատարան»,- նշված է հայտարարության մեջ։