Ընտրություններին մասնակցող «Մեր տունը Հայաստանն է» քաղաքական ուժը հայտարարություն է տարածել, որում, մասնավորապես, նշված է.
«Հանրային հեռուստատեսության կողմից ընտրություններին մասնակցող քաղաքական ուժերի վարչապետի թեկնածուների մասնակցությամբ կազմակերպվող հեռուստաբանավեճի ձևաչափը խտրական մոտեցում է ցուցաբերում (բանավեճի մասնակիցներին առանձնացրել են երկու խմբի և այն անցկացնելու են երկու մասով), ինչի արդյունքում ի թիվս այլ ուժերի «Մեր տունը Հայաստանն է» միասնական ցուցակի թեկնածու Տիգրան Ուրիխանյանին չի տրվում հնարավորություն բանավիճել և հարցեր ուղղել նախկին և ներկա իշխանությունների ցուցակները գլխավորող անձանց։
Հաշվի առնելով վերոգրյալը Տիգրան Ուրիխանյանը չի մասնակցի նշյալ հեռուստաբանավեճին»։
