Երևանում Պարեկային ծառայության հաջող գործարկումից հետո հերթը Շիրակինն ու Լոռիին է։ Այս երկու մարզերում ոստիկանությանը նոր շունչ հաղորդելու, ծառայությունների որակը բարձրացնելու համար այժմ մրցույթ է հայտարարվել։ Պարեկ կարող են դառնալ 18-35 տարեկան ՀՀ քաղաքացիները, որոնք 5-ամսյա կուրս են անցնելու, հայտնում են Կառավարությունից։
Դիմորդների փաստաթղթերն ընդունվում են ՀՀ ոստիկանության կրթահամալիրում (ք. Երևան, Ծովակալ Իսակովի պողոտա 29), մինչև օգոստոսի 27-ը ներառյալ, բացի կիրակի օրերից։