Նախօրեին երեկոյան Վանաձորի «Նավ» ռեստորանի բակում հնչած կրակոցներով փորձել են սպանել քրեական հեղինակությունների:
«Հայկական Ժամանակի» տեղեկություններով՝ կրակոցների արդյունքում հրազենային վնասվածքներով հիվանդանոց են տեղափոխվել 3 տղամարդիկ, որոնց մեջ է եղել նաեւ 41-ամյա Գևորգ Նավոյանը. նրանք մասնակցելիս են եղել վերջինիս հարազատներից մեկի հոգեհանգստին:
Նավոյանը, ըստ կայքի, Մոսկվայում հայտնի քրեական հեղինակություն է,
Տղամարդիկ, դեպքի պահին դուրս գալուց են եղել ռեստորանից: Երբ նրանք ռեստորանից դուրս են եկել, նրանց է մոտեցել Վազ-21-07 մակնիշի ավտոմեքենա, ինքնաձիգից կրակոցներ արձակել ու անմիջապես դիմել փախուստի: Ավելի ուշ ավտոմեքենան ամբողջովին այրված վիճակում հայտնաբերվել է Վանաձորի Սանկտ Պետերբուրգ փողոցի վեջնամասում:
Կայքի տեղեկություններով, մարզկենտրոնում ոստիկանների կողմից իրականացվում են մեծամասշտաբ օպերատիվ գործողություններ, որոնք հիմնականում առնչվում են քրեական անցյալ ունեցող անձանց հետ:
Ըստ կայքի, Վանաձորի քրեական հեղինակություններից մի քանիսը դիմել են փախուստի:
