«Հայաստան-Ջիբրալթար ֆուտբոլային խաղը շատ խորը մասնագիտական վերլուծության է ենթարկվել»:
Այդ մասին shantnews.am-ի փոխանցմամբ, լրագրողների հետ զրույցում այսօր ասել է Հայաստանի ֆուտբոլի ֆեդերացիայի նախագահ Արթուր Վանեցյանը:
Նրա խոսքերով՝ առաջիկայում կներկայացվի երկարաժամկետ ծրագիր մանկապատանեկան ֆուտբոլը զարգացնելու համար:
«Անհրաժեշտ է պատրաստել պրոֆեսիոնալ ֆուտբոլիստներ, որոնցից գլխավոր մարզիչը կկարողանա ընտրություն կատարել»,- ասել է Վանեցյանը:
Նրա կարծիքով՝ այդ երկարաժամկետ ծրագրի առաջին պտուղները հնարավոր կլինի տեսնել 4-5 տարի հետո:
«Սպասել, որ միանգամից, մի քանի օրում կլինեն արդյունքներ, միամտություն է: Չի կարող 20 տարվա փչացրածը 20 օրում դզվել»,- նշել է Վանեցյանը:
