Հռոմի պապը կոչ է արել մարդկանց պատվաստվել Covid-19- ի դեմ

Հռոմի պապը միացել է Հյուսիսային և Հարավային Ամերիկայի եպիսկոպոսներին՝ կոչ անելով մարդկանց պատվաստվել Covid-19- ի դեմ, հայտնում է Vatican news-ը:

Հրապարակված տեսաուղերձում Ֆրանցիսկոս պապը բարձր է գնահատել հետազոտողների և գիտնականների աշխատանքը Covid-19- ի դեմ անվտանգ և արդյունավետ պատվաստանյութերի արտադրման գործում:

«Աստծո շնորհիվ և շատերի աշխատանքի շնորհիվ մենք այժմ ունենք պատվաստանյութեր, որոնք կպաշտպանեն մեզ Covid-19- ից»,-ասել է նա չորեքշաբթի հրապարակված տեսանյութում:

Նա ավելացրել է, որ պատվաստանյութերը «հույս են ներշնչում համաճարակի վերացման համար, բայց միայն այն դեպքում, եթե դրանք հասանելի լինեն բոլորին, և եթե մենք համագործակցենք միմյանց հետ»:

Աղբյուր՝ Factor.am