Թուրքական ՌՕՈՒ անօդաչու թռչող սարքը Սիրիայի հյուսիս-արևելքում գտնվող Ղամիշլի քաղաքում հարված է հասցրել ամենագնացին, որում քուրդ զինյալներ են եղել: ՏԱՍՍ-ի փոխանցմամբ՝ այս մասին հայտնել է Էրբիլից հեռարձակվող Rudaw հեռուստաալիքը։
Աղբյուրի տվյալներով՝ հարձակման հետևանքով կան զոհեր և վիրավորներ։ Հարձակման ենթարկված ամենագնացն ուղևորվում էր տեղական ինքնավար վարչակազմի շենք։
Ուրբաթ՝ օգոստոսի 20-ին, թուրքական անօդաչուն հարված է հասցրել քրդական կազմավորումների շտաբին՝ Հասեկե քաղաքի մերձակայքում, որը համանուն նահանգի վարչական կենտրոնն է։
Աղբյուրի փոխանցմամբ՝ զոհվել են «Սիրիայի դեմոկրատական ուժերի» 9 դաշտային հրամանատարներ և աշխարհազորայիններ, առնվազն 10-ը վիրավորվել են:
Այս մասին հայտնում է Factor.am-ը:
