ԱՄՆ-ում 62 տարեկան հասակում մահացել է Օլիմպիական խաղերի, Աշխարհի 7-ակի ու Եվրոպայի 5-ակի չեմպիոն, ծանրորդ Յուրի Վարդանյանը:
Փոխանցում է «Mediamax Sport»-ը՝ հղում անելով Հայաստանի սպորտի եւ երիտասարդության հարցերի նախարարության իրենց աղբյուրին: Այժմ, ըստ լրատվականի, քննարկվում է Վարդանյանի մարմինը Հայաստան տեղափոխելու հարցը:
Իր կարիերայում Վարդանյանը 3 անգամ մեկ երեկոյի ընթացքում 5 ռեկորդ է սահմանել, այդ թվում եւ Օլիմպիական խաղերում՝ երկամարտի ցուցանիշը հասցնելով ռեկորդային 405 կգ-ի:
2013-2014 թվականներին եղել է սպորտի եւ երիտասարդության հարցերի նախարար, ապա Վրաստանում Հայաստանի դեսպան: Պարգեւատրվել է մի շարք մեդալներով, այդ թվում Աշխատանքային կարմիր աստղ, Սուրբ Մեսրոպ Մաշտոց եւ այլն:
