Ներողություն եմ խնդրում, որ «Լույս» դաշինքն այլևս չկա. Արամ Սարգսյան

Ներողություն եմ խնդրում, որ «Լույս» դաշինքն այլևս չկա. Արամ Սարգսյան
Ներողություն եմ խնդրում, որ «Լույս» դաշինքն այլևս չկա. Արամ Սարգսյան
Հեղինակ MediaLab

«Շնորհակալություն եմ հայտնում բոլոր նրանց, ովքեր հավատում էին «Լույս» դաշինքի առաքելությանն ու հաջողությանը: Ներողություն եմ խնդրում, որ դաշինքն այլևս չկա»։

Նման գրառում է կատարել «Հանրապետություն» կուսակցության ղեկավար Արամ Սարգսյանը, որի ղեկավարած կուսակցությունը 2017 թվականի ընտրություններում Նիկոլ Փաշինյանի «Քաղաքացիական պայմանագիր» եւ Էդմոն Մարուքյանի «Լուսավոր Հայաստան» կուսակցությունների հետ «ԵԼՔ» դաշինքով մտել է Խորհրդարան, իսկ սեպտեմբերին կայացած Երեւանի ավագանու ընտրություններին «Լուսավոր Հայաստանի» հետ մասնակցել է «Լույս» դաշինքով:

Սպասվում էր, որ դեկտեմբերի 9-ին կայանալիք ԱԺ արտահերթ ընտրություններին «Հանրապետությունն» ու «Լուսավոր Հայաստանը» նորից կմասնակցեն «Լույս» դաշինքով: Նախօրեին, սակայն, «Լուսավոր Հայաստան»-ը հայտարարել էր, թե  մասնակցելու է առանձին:

«Համոզված եղեք, որ մենք առանձին-առանձին էլ գործելու ենք ի շահ պետության ու ժողովրդի, և այս հարցում այլընտրանք չկա:
«Հանրապետությունը» մասնակցելու է Աժ արտահերթ ընտրություններին` իր ծրագրերն ու գաղափարները իրականացնելու նպատակով: Մնացածը առաջիկայում…»,- գրել է Սարգսյանը: