Սոչիում մեկնարկել են ՌԴ նախագահ Վլադիմիր Պուտինի և Թուրքիայի նախագահ Ռեջեփ Թայիփ Էրդողանի բանակցությունները։ Հանդիպման մեկնարկին անդրադառնալով Արցախի թեմային՝ Պուտինը հայտարարել է, որ Արցախում հրադադարի մոնիթորինգի ռուս-թուրքական կենտրոնը տարածաշրջանում կայունության լուրջ երաշխիք է, գրում է ՏԱՍՍ-ը։
«Ակտիվորեն գործում է Հայաստանի և Ադրբեջանի միջև սահմանին հրադադարի վերահսկման ռուս-թուրքական կենտրոնը։
Այդ համագործակցությունը լուրջ երաշխիք է կայունության և հաշտեցմանն ուղղված կողմերի դիրքորոշումների համաձայնեցման հետագա քայլերում»,- ասել է ՌԴ նախագահը։ Կողմերն անդրադարձել են նաև Սիրիայում և Լիբիայում ռուս-թուրքական «հաջող համագործակցությանը»։
Այս մասին հայտնում է Factor.am-ը: