Վարչապետի պաշտոնակատար Նիկոլ Փաշինյանը միջնորդություն է ներկայացրել Հայաստանի նախագահին՝ ծանրամարտիկներ Սիմոն Մարտիրոսյանին եւ Գոռ Մինասյանին պարգեւատրելու համար:
Հայտնում են կառավարությունից:
Մասնավորապես, Փաշինյանն առաջարկում է Սիմոն Մարտիրոսյանին պարգեւատրել «Հայրենիքին մատուցած ծառայությունների համար» 2-րդ աստիճանի շքանշանով, իսկ Գոռ Մինասյանին՝ Երախտագիտության մեդալով:
Հիշեցնենք, որ Թուրքմենստանում կայացած ծանրամարտի աշխարհի առաջնությունում Սիմոն Մարտիրոսյանը դարձել է աշխարհի չեմպիոն, իսկ Գոռ Մինասյանն էլ նվաճել է արծաթե մեդալ:
