Հանրապետականները հերթով ֆեյսբուքյան Live-ն են բացահայտում:
Էդուարդ Շարմազանովից հետո այս անգամ հանրությանն է դիմել ԱԺ մյուս փոխնախագահ Արփինե Հովհաննիսյանը, ով ՀՀԿ ընտրական ցուցակի երկրորդ համարն է:
Հովհաննիսյանը հայտարարել է, թե իր ուղիղ եթերի համար առիթ է դարձել կառավարության նոր նախաձեռնությունը՝ ՀՀ քաղաքացիների հարկման հետ կապված, որով քաղաքացիները պետք է եկամուտների մասին հայտարարագրեր ներկայացնեն:
«Ես շատ մտահոգված եմ կառավարության նոր նախաձեռնությամբ»,- հայտարարել է Հովհաննիսյանը՝ հավելելով, թե սա նշանակում է, որ «գյուղացին, որ վաճառում է իր մթերքը, այսինքն՝ ինքնազբաղված անձ է, պետք է վաճառքից գոյացած եկամուտը հայտարարագրի: Սրանով ամեն ինչ սկսվում է և չի ավարտվում, քանի որ ստացված եկամտի 23 տոկոսը քաղաքացին պետք է մուտքագրի պետական բյուջե»: