Առողջապահության նախարար Անահիտ Ավանեսյանը ֆեյսբուքյան իր էջում գրում է․
«Այսօր` աղջիկ երեխաների միջազգային օրվա առթիվ, ուրախ եմ հայտնել, որ Հայաստանում նկատվում է սեռով պայմանավորված աբորտների նվազման միտում:
Մեր երկրում աղջիկ/տղա նորածինների հարաբերակցության 2021 թվականի առաջին վեց ամսվա ցուցանիշը 100/108 է:
Համեմատության համար`
2019 և 2020 թվականներին այդ ցուցանիշը եղել է 100/110
Այս տոնը նաև հավասարության կոչ է աղջիկ և տղա երեխաների միջև` կրթություն ստանալու, լիարժեք բժշկական ծառայության, սոցիալական իրավունքների հարցերում»: