ՌԴ նախագահ Վլադիմիր Պուտինի, Ադրբեջանի նախագահ Իլհամ Ալիևի և Հայաստանի վարչապետ Նիկոլ Փաշինյանի մասնակցությամբ գագաթնաժողովը պատրաստվում է տեսակոնֆերանսի միջոցով, սակայն ժամկետների վերաբերյալ հստակ պայմանավորվածություններ չկան։
Այս մասին լրագրողներին ասել է ՌԴ նախագահի մամուլի քարտուղար Դմիտրի Պեսկովը, գրում է ՌԻԱ Նովոստին։
«Հստակեցում Պուտինի, Ալիևի և Փաշինյանի տեսակոնֆերանսի վերաբերյալ․ իսկապես՝ մենք հաստատել ենք, որ աշխատանքներ են տարվում նման հանդիպման նախապատրաստման ուղղությամբ, սակայն ցանկանում ենք նշել, որ հստակ պայմանավորվածություն ու պատկերացում, թե երբ կարող է նման տեսակնոֆերանս տեղի ունենալ, դեռևս չկա։ Աշխատանքը շարունակվում է»,- ասել է Պեսկովը։
