Այսօր՝ նոյեմբերի 14-ին, ավտովթար է տեղի ունեցել Կոտայքի մարզում:
Ժամը 06:30-ի սահմաններում Զովունի գյուղի բնակիչ, 22-ամյա Թորգոմ Մանուկյանը իր վարած BMW մակնիշի ավտոմեքենայով Զովունի գյուղի 1-ին փողոցում դուրս է եկել ճանապարհի երթևեկելի գոտուց, բախվել էլեկտրասյանը:
Shamshyan.com-ի փոխանցմամբ, վթարի հետևանքով ուղևոր, Զովունի գյուղի բնակիչ, 18-ամյա Արման Հարությունյանը մարմնական վնասվածքներով տեղափոխվել է «Արմենիա» բժշկական կենտրոն:
Դեպք վայր են ժամանել ճանապարհային ոստիկանության, հետաքննական խմբի աշխատակիցները: Փաստի առթիվ նյութեր են նախապատրաստվում:
Կայքի տեղեկություններով՝ վարորդ Թ. Մանուկյանը աշխատում է «Անի կաթ» ՍՊԸ-ում՝ որպես վարորդ-առաքիչ: