ԱՀկ հայաստանյան գրասենյակից հայտնում են․
«Անհանգստություն առաջացնող նոր տարբերակի՝ #Omicron-ի մասին լուրերը կարող են մտահոգիչ լինել։ Հիշեք, որ պետք է հոգ տանել Ձեր և Ձեր սիրելիների մասին․ փորձեք խուսափել ԶԼՄ-ների կողմից բարձրացված աղմուկից և թարմացումների համար հետևեք միայն տեղեկատվության վստահելի աղբյուրներին, ինչպիսիք են ԱՀԿ կայքն ու սոցիալական հարթակները:
Ներկայումս ԱՀԿ-ն համագործակցում է մեծ թվով հետազոտողների հետ ամբողջ աշխարհում՝ Omicron-ն ավելի լավ ուսումնասիրելու համար: Արդեն ընթացքում են և նախատեսվում են ուսումնասիրություններ, որոնց շրջանակում կգնահատվեն դրա փոխանցելիությունը, վարակի ծանրությունը (ներառյալ ախտանիշները), պատվաստանյութերի, ախտորոշիչ թեստերի և բուժման արդյունավետությունը:Մինչ այդ շարունակենք ձեռնարկել COVID-19-ի տարածումը կասեցնելու ամենաարդյունավետ քայլերը՝
պահպանել առնվազն 1 մետր ֆիզիկական հեռավորություն
կրել դիմակ
օդափոխել փակ տարածքները
խուսափել մարդաշատ տարածքներից
ձեռքերը մաքուր պահել
հազալիս կամ փռշտալիս բերանը ծածկել արմունկով կամ անձեռոցիկով
պատվաստվել»։