ԱՄՆ Իլինոյս նահանգի Էդվարդսվիլ քաղաքում հզոր տորնադոն մասամբ ավերել է Amazon ընկերության պահեստը:
Այս մասին հայտնում է factor.am-ը:
Փլատակներում կարող է գտնվել 50-100 մարդ, փոխանցում է Korrespondent.net-ը։ Դեպքի վայրում աշխատում են փրկարարներն ու բժիշկները։ Այս պահին տուժածների մասին պաշտոնական տեղեկություններ չկան:
Արկանզաս նահանգի Մոնետ քաղաքում տորնադոյի հետևանքով տարեցների խնամքի կենտրոնի մասնակի ավերումից հետո առնվազն երկու մարդ է զոհվել, ևս 20-ը փլատակներում են գտնվում:
Ավելի վաղ ամերիկացի օդերևութաբանները նախազգուշացրել էին Արկանզաս, Կենտուկի և Իլինոյս նահանգներում տորնադոյի հնարավորության մասին: