Քաղաքագետ, «Դեմոկրատական այլընտրանք» կուսակցության քաղաքական խորհրդի նախագահ Սուրեն Սուրենյանցը ֆեյսբուքյան իր էջում գրում է․
««Հայաստանի հետ հարաբերությունների կարգավորմանը ուղղված քայլերի շրջանակում շուտով փոխադարձաբար հատուկ ներկայացուցիչներ կնշանակեն»,- երեկ հայտարարել է Թուրքիայի արտգործնախարար Մևլյութ Չավուշօղլուն։
Այսօր պաշտոնական Երևանը հանդես է եկել փոխադարձ հաստատող հայտարարությամբ։ Հայ- թուրքական դիալոգն այլընտրանք չունի՝ անկախ կեղծ հայրենասիրական վայնասունից։ Հարևան երկրների հետ բնականոն հարաբերություննների հաստատումը երկրի ինքնիշխանությունը ու սուբեկտությունը վերականգնելու միակ ճանապարհն է։
Անշուշտ, ցանկացած գործընթաց ունի ռիսկեր, սակայն պետք է մտածել ոչ թե գործընթացը մերժելու, այլ ռիսկերը կառավարելու մասին»։
