Գլխավոր դատախազի խորհրդականը հրապարակել է Մաշադյանի զինգրքույկը

Գլխավոր դատախազի խորհրդականը հրապարակել է Մաշադյանի զինգրքույկը
Գլխավոր դատախազի խորհրդականը հրապարակել է Մաշադյանի զինգրքույկը
Հեղինակ MediaLab

ՀՀ գլխավոր դատախազի խորհրդական Գոռ Աբրահամյանը ֆեյսբուքյան էջում հրապարակել է մեծ աղմուկի առիթ հանդիսացած  Երեւանի կայազորի դատախազության դատախազ Հարություն Մաշադյանի զինծառայության ժամանակ արված լուսանկարները, ինչպես նաեւ զինգրքույկը։ Աբրահամյանի գրառումը եւ հրապարակած լուասնկարները ներկայացնում ենք ստորեւ։

««Դատախազության մասին» ՀՀ օրենքով, ընդ որում՝ ինչպես գործողի, այնպես էլ 2018թ. ապրիլին ուժը կորցրած ճանաչվածի պարագայում, անկախ նրանից՝ խոսքը այսպես ասած՝ քաղաքացիական, թե զինվորական ոլորտի դատախազներին է վերաբերում, սահմանվում է, որ դատախազի պաշտոն չի կարող զբաղեցնել այն անձը, որ չի անցել պարտադիր զինվորական ծառայություն, բացառությամբ այն անձանց, ովքեր ազատվել են նման ծառայությունից օրենքով նախատեսված կարգով ու հիմքով:

Հրապարակում եմ Հարություն Մաշադյանի՝ զինվորական ծառայություն անցնելու լուսանկարները նաև զինգրքույկից, հատկապես նրանց համար, ովքեր անվստահությամբ էին փորձում մոտենալ ՀՀ դատախազության կողմից երեկ հրապարակված պաշտոնական հաղորդագրության այդ հատվածին: 

Որպես հետգրություն էլ ասեմ, որ Հ. Մաշադյանը 12 ամյա դպրոց չի ավարտել և կրտսեր դասարաններում սովորելիս թռիչքային տեղափոխություն է ունեցել»։