Մամուլը խեղաթյուրել է Արարատյան մաքսատուն-վարչության, ՊԵԿ ներկա և նախկին փոխնախագահների վերաբերյալ փաստերը։
Վերջին օրերին շատ է շրջանառվում ՊԵԿ փոխնախագահ Շուշանիկ Ներսիսյանի և նախկին փոխնախագահ Արա Գաբրիելյանի «համատեղ բիզնեսի» մասին լուրը։ Ըստ այդ տեղեկատվության, «Ուրբան» մաքսային տերմինալը և Արարատյան մաքսատանը գործող 3-րդ ձևակերպման բաժինը փակվել են, և դրանց գործառույթներն իրականացնելու է նոր հիմնադրված «Յունիսերվ» ՍՊԸ-ն, որի հետևում էլ կանգնած են Արա Գաբրիելյանն ու Շուշանիկ Ներսիսյանը:
Ըստ էլեկտրոնային ռեգիստրի, «Յունիսերվ» ՍՊԸ-ն անցած տարվա նոյեմբերի 1-ին հիմնադրվել է Արա Գաբրիելյանի կողմից։ Շրջանառվող նյութում այս մասին նշվում է, սակայն չի նշվում նաև այն մասին, որ «Ուրբան» տերմինալի գործունեությունը, ըստ էլեկտրոնային ռեգիստրի և կազմակերպության կայքերի, դադարեցված չէ և այն 2014 թվականից ծառայություններ է մատուցում մինչ օրս։
Նշենք նաև, ՊԵԿ փոխնախագահ Շուշանիկ Ներսիսյանը, իր ֆեյսբուքյան էջումանդրադառնալով այս թեմային, նշել է, որ ոչ մի «բրոկերական գրասենյակի» հետ առնչություն չունի և պետական պաշտոն զբաղեցնելու ընթացքում չի զբաղվելու ոչ մի ձեռնարկատիրական գործունեությամբ։
Ինչ վերաբերում է մաքսային ոլորտը մոնոպոլիզացնելուն, ապա այժմ մաքսային բրոքերային ծառայություններ մատուցում են 17 կազմակերպություններ:
Արփի Ավետիսյան
