«Իրազեկ քաղաքացիների միավորում» ՀԿ-ի ղեկավար Դանիել Իոաննիսյանը ֆեյսբուքյան իր էջում գրում է․
«Արմեն Սարգսյանի` Սենթ Քիթս և Նևիսի քաղաքացիություն ունենալու ու թաքցնելու փաստը, իր պաշտոնը ստանձնելու պահի` 2018 թվականի օրենսդրությամբ հանցակազմ չի պարունակում։
Այո, դա Սահմանադրության ակնհայտ խախտում էր, բայց քրեորեն պատժելի չէր։Նաև սա է պատճառը, որ 2021 թվականի գարնանը «Իրազեկ քաղաքացիների միավորման» առաջարկով փոփոխվեց «Քաղաքացիության մասին» օրենքը և Քրեական օրենսգրքի 314.1 հոդվածը։
Դրա շնորհիվ գոնե 2021 թվականի մայիսից սկսած բարձրաստիճան պաշտոն ստացած (կամ վերանշանակված) անձինք (նաև ուժայինները, դատախազներն ու դատավորները), օտարերկրյա քաղաքացիությունը թաքցնելու դեպքում ենթակա են քրեական պատասխանատվության»։
