Գերմանիան փետրվարի 27-ից` Մոսկվայի ժամանակով ժամը 17:00-ից 3 ամսով փակում է երկինքը ռուսական ինքնաթիռների համար, հայտնում է Handelsblatt թերթը՝ հղում անելով Գերմանիայի տրանսպորտի նախարարությանը։
Այս մասին հայտնում է Ազատությունը:
Շվեդիան նույնպես կփակի օդային տարածքը, հայտարարել է ԵՄ նախարար Հանս Դալգրենը շվեդական ռադիոյին տված հարցազրույցում։
Նման մտադրության մասին ավելի վաղ հայտնել էին Ֆինլանդիան, Դանիան, Բելգիան, Ավստրիան, Իռլանդիան, Իսլանդիան, Էստոնիան, Լատվիան, Լիտվան, Լեհաստանը, Չեխիան, Ռումինիան, Բուլղարիան և Մեծ Բրիտանիան:
