Հայաստանի դպրոցներում ու մանկապարտեզներում սանհագույցների սանիտարահիգիենիկ պայմանները, տաք ջրի բացակայությունը, հաշմանդամություն ունեցող երեխաների համար հարմարությունների բացակայությունը, ինչպես նաև խմելու ջրից օգտվելու եղանակներն անընդունելի են։ Այս մասին այսօր ասուլիսի ժամանակ ասել է Մարդու իրավունքների պաշտպան Արման Թաթոյանը՝ ներկայացնելով իր արտահերթ զեկույցը դպրոցների ու մանկապարտեզների ջրի և սանիտացիայի հասանելիության իրավունքի ապահովման վերաբերյալ։
«Վիճակը մտահոգիչ է:
201 դպրոցի ու մանկապարտեզի մոնիտորինգ ենք իրականացրել Երևանում ու մարզերում՝ ջրի և սանիտացիայի հասանելիության վիճակը պարզելու նպատակով: Բոլոր հաստատություններն ընտրվել են պատահականության սկզբունքով: Ծրագիրը սկսել ենք 2017 ու ավարտել 2018 թվականին:
Մարդու իրավունքների պաշտպանը երեխաների հարցերով ՄԱԿ-ի կոնվենցիոն անկախ մարմինն է:
Այսօր հրապարակեցի արտահերթ զեկույց (հայերեն ու անգլերեն լեզուներով)»:
Զեկույցի հայերեն տարբերակը՝ այստեղ