ԲՀԿ նախագահ Գագիկ Ծառուկյանն այսօր Ազգային ժողովում լրագրողներին ասաց, որ ազատ արձակվելուց հետո չի հանդիպել երկրորդ նախագահ Ռոբերտ Քոչարյանին։
«Օրակարգում նման հարց չկա, մենք չենք քննարկել»,- նշեց նա։
Ծառուկյանն ասաց, որ ընդհանրապես Քոչարյանի հետ կապ չունի։ «Ոչ զանգահարել եմ, ոչ հանդիպել եմ»,- շեշտեց նա:
Հարցից, թե ինչո՞ւ է խուսափում Քոչարյանի հետ հանդիպելուց, նա վրդովվեց. «Ինչի՞ պիտի խուսափեմ։ Չի եղել, չենք զանգել, կապ չկա, ինչի՞ մասին է խոսքը»:
Իր և Քոչարյանի նախկին կապին անդրադառնալով և հարցին ի պատասխան, թե ժամանակին Քոչարյանն իրեն աջակցում էր, Գագիկ Ծառուկյանը պատասխանեց․ «Ինձ ոչ մեկը չի աջակցել, որևիցե մեկի առաջ ոչ պարտավորություն ունեմ, որևիցե մի բան չունեմ, հերիք ա»: