ՆԱՏՕ-ի առաջնորդները հինգշաբթի օրը Բրյուսելում անցկացրած գագաթաժողովում պայմանավորվեցին ուժեղացնել դաշինքի անդամների անվտանգությունը Կենտրոնական և Արևելյան Եվրոպայում, երբ շարունակվում է Ուկրաինայի դեմ ռուսական ագրեսիան: Մասնավորապես, ՆԱՏՕ-ի նոր մարտական խմբեր կտեղակայվեն Ռումինիայում, Բուլղարիայում, Հունգարիայում և Սլովակիայում, գրում է Ամերիկայի ձայնը։
ՆԱՏՕ-ի գլխավոր քարտուղար Յենս Սթոլթենբերգը գագանաժողովից հետո անցկացված մամուլի ասուլիսում ասել է, որ Հյուսիսատլանտյան դաշինքը կշարունակի աջակցել Ուկրաինային, մասնավորապես՝ զենքի և տեխնիկայի մատակարարման հարցում։ Նա նաև զգուշացրել է Ռուսաստանին քիմիական զենքի կամ զանգվածային ոչնչացման ցանկացած այլ զենքի հնարավոր կիրառման հետևանքների մասին։
Միևնույն ժամանակ ՆԱՏՕ-ի ղեկավարն ասել է, սակայն, որ դաշնակիցները զորք չեն մտցնի Ուկրաինա և չեն Ուկրաինայում չեն հաստատի թռիչքազերծ գոտի: Նա ընդգծել է, որ դա սպառնում է ՆԱՏՕ-ի և ռուսական զորքերի ուղիղ բախմանը։ Ավելի վաղ Լեհաստանն առաջարկել էր խաղաղապահ առաքելություն ուղարկել Ուկրաինա, սակայն այս առաջարկը գագաթաժողովում ակտիվորեն չքննարկվեց։
Հարցին, թե արդյոք Ուկրաինան Հյուսիսատլանտյան դաշինքից կստանա այն զենքերը, որոնք նախկինում խնդրել էր նախագահ Վլադիմիր Զելենսկին, Ստոլտենբերգն ասել է, որ մանրամասներ չի հրապարակի։
ՆԱՏՕ-ի ղեկավարների հայտարարությունը դատապարտում է Ռուսաստանի ագրեսիան Ուկրաինայի դեմ, ինչպես նաև կոչ է անում անհապաղ դադարեցնել ռազմական գործողությունները և զորքերը դուրս բերել Ուկրաինայի տարածքից:
«Ուկրաինայի դեմ հարձակում սկսելու նախագահ Պուտինի որոշումը ռազմավարական սխալ է, որը լուրջ հետևանքներ կունենա հենց Ռուսաստանի և նրա ժողովրդի համար»,- շեշտում են ՆԱՏՕ-ի ղեկավարները։
