Այսօր Երևանի տարբեր հատվածներում շարունակվել են ընդդիմադիր «Հայաստան» խմբակցության անդամների բողոքի ակցիաները: Դրանք ուղեկցվել են երևանյան մի շարք փողոցները, այդ թվում՝ Հաղթանակի կամուրջը փակելով: Ակցիայի մասնակիցները հիմնականում ՀՅԴ երիտասարադկան «Նիկոլ Աղբալյան» միության դաշնակցական երիտասարդներն են:
Այսօր ավելի վաղ՝ Նիկոլ Աղբալյան ուսանողական միությունը հայտարարություն էր տարածել՝ տեղեկացնելով, ոստիկանները ապօրինի շրջափակել են Արամ Մանուկյան երիտասարդական կենտրոնը և սպասում են դատարանի որոշմանը որպեսզի ներս մտնեն։
Այնուհետև հաղորդվեց, որ ոստիկանները ՀՅԴ Արամ Մանուկյան երիտասարդական կենտրոնից բերման են երեք երիտասարդի, այդ թվում աշխատակիցներից մեկին՝ Կոմիտասի պողոտան փակելու համար։
Պատգամավոր Արամ Վարդևանյանն իր հերթին ֆեյսբուքյան էջում գրել է. «Ոստիկանները փորձում են ցույցը դիտարկել խուլիգանություն: Ցույցը` խուլիգանություն: Իհարկե ԱՄՆ ու ԵՄ դեսպանները չեն խոսելու այս դեպքի մասին: Միաժամանակ, ոստիկանությունը, վստահ եմ, տեղյակ է, որ ինչ էլ, որ լինի կամ հորինվի մեկ ժամից քիչ ուշ ԽԻԶԱԽ-ները լինելու են ազատության մեջ»:
