Այսօր Ազգային ժողովում տեղի ունեցած փակ, գաղտնի քվեարկության արդյունքներով Գոհար Մամիկոնյանն ընտրվեց հեռուստատեսության և ռադիոյի հանձնաժողովի անդամ։ ԱԺ աշվիչ հանձնախմբի նախագահ Նարեկ Բաբայանը ներկայացնելով քվեարկության արդյունքները, տեղեկացրեց, որ քվեարկությանը մասնակցած 70 պատգամավորները միաձայն կողմ են քվեարկել:
Գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովը, հիշեցնենք, Հեռուստատեսության և ռադիոյի հանձնաժողովի անդամի պաշտոնում Ազգային ժողովին առաջարկել էր «Քաղաքացիական պայմանագիր» խմբակցության կողմից առաջադրված Գոհար Մամիկոնյանի թեկնածությունը:
2015 թվականից Մամիկոնյանը «Քաղաքացիական պայմանագիր» կուսակցության հիմնադիր անդամ է:
Նշենք, որ այս հանձնաժողովում անդամի թափուր պաշտոնի համար Գոհար Մամիկոնյանը չորրորդ թեկնածուն էր. առաջին երեք թեկնածուներին առաջադրել էր ընդդիմադիր «Հայաստան» խմբակցությունը, սակայն խորհրդարանական մեծամասնություն չէր համաձայնել նրանցից որևէ մեկի թեկնածության առաջադրման հետ: