Իրազեկ քաղաքացիների միավորում ՀԿ նախագահ Դանիել Իոաննիսյանն անդրադարձել է Աբովյան քաղաքում երեկ տեղի ունեցած ընտրություններին, որտեղ ԲՀԿ գործող քաղաքապետը հաղթել է ՔՊ թեկնածուին։ Գրառումը ներկայացնում ենք ստորեւ։
«Աբովյանում ժողովրդավարությունը չի հաղթել:
Աբովյանում ու բազում այլ քաղաքներում հին ընտրական համակարգն է հաղթում (տեխնիկապես՝ հաղթողը կարող է լինել տարբեր քաղաքական թիմերից): Այն համակարգը, որը չի խրախուսում գաղափարների ու ծրագրերի մրացկցությունը:
Ժողովրդավարությունը տեխնիկապես քվեարկության չկեղծումը չի, ժողովրդավարությունը ավելի լայն հասկացողություն է և այն, ի հեճուկս բոլորիս, հաստատ չի հաղթել Աբովյանում (անկախ հաղթող թեկնածուի անունից):
Այս խնդիրները խորանալու են այնքան ժամանակ, քանի դեռ Հայաստանում չիրականացվի խորը ընտրական ռեֆորմը»։
