Կառավարության այսօրվա նիստի սկզբում վարչապետ Նիկոլ Փաշինյանն ասաց, որ սա կառավարության առաջին նիստն է, որն անցկացվում է առանց Արդարադատության արդեն նախկին նախարար Արտակ Զեյնալյանի։
Վարչապետը նշեց, որ շնորհակալություն են հայտնում Զեյնալյանին և մաղթում բեղմնավոր աշխատանք։
«Համոզված եմ, որ պարոն Զեյնալյանի ներուժը կներգրավվի Հայաստանում պետության կառավարման և պետության հետագա զարգացման գործում։ Կարծում եմ՝ արժե այդ ավադույթը դնել և մեր գործընկերոջը ծափահարություններով ճանապարհել»,- նշեց Նիկոլ Փաշինյանը։ Կառավարության անդամներն ի պատասխան ծափահարեցին։
