Այս մասին տեղեկացնում է քաղաքապետի մամուլի քարտուղար Հակոբ Կարապետյանը՝ նշելով, որ պիլոտային ծրագիրը կնախորդում է վերելակների համընդհանուր թարմացմանը:
«Եվս մեկ-երկու լուր՝ քաղաքապետարանի շաբաթնամուտի անցուդարձից.
Անցած շաբաթվա ընթացքում պատվաստվել և ստերջացվել է շուրջ 100 թափառող շուն:
Թափառող շների հետ կապված հարցերի դեպքումք զանգեք (011) 51-45-39:
Օղակաձև զբոսայգու 5-րդ հատվածում տարածքն ազատվել եւ բարեկարգվել է: Այստեղ կձևավորվի կանաչ գոտի:
Շիրակի փողոցի արտաքին լուսավորության ցանցն ամբողջությամբ արդիականացվէլ է: Առաջիկայում լուսադիոդային լուսատուներկտեղադրվեն նաեւ Բաբաջանյան փողոցում: Նախատեսվում է շուրջ 620 նատրիումային լուսատուի փոխարեն տեղադրել ժամանակակից, էներգախնայող շուրջ 350 լուսադիոդային լուսատու, ինչի արդյունքում կտնտեսվի շուրջ 60% էլ. էներգիա:
Ամփոփելով Արցախի մայրաքաղաք Ստեփանակերտ կատարած այցի արդյունքները՝ քաղաքապետ Հայկ Մարությանը նշել է, որ համատեղ նոր ծրագրերի իրականացման համար կստեղծվի աշխատանքային խումբ»,- Ֆեյսբուք սոցիալական ցանցում գրել է Հակոբ Կարապետյանը:
