«Իմ աչքի առաջ մարդիկ վառվում ու մոխրանում էին, բայց չէինք կարող փրկել, կրակը շատ ուժեղ էր»․ վթարի ականատես

«Իմ աչքի առաջ մարդիկ վառվում ու մոխրանում էին, բայց չէինք կարող փրկել, կրակը շատ ուժեղ էր»․ վթարի ականատես
«Իմ աչքի առաջ մարդիկ վառվում ու մոխրանում էին, բայց չէինք կարող փրկել, կրակը շատ ուժեղ էր»․ վթարի ականատես
Հեղինակ MediaLab

Արարատի մարզում այսօր տեղի ունեցած ողբերգական վթարի ականատես Արթուր Նազարեթյանը լրագրողների հետ զրույցում ասաց, որ փորձել են օգնել Գազել մակնիշի մեքենայում գտնող ուղևորներին, բայց կրակն ուժեղ է եղել, չեն կարողացել մոտենալ։

Ըստ նրա՝ վթարից անմիջապես հետո հրդեհ է բռնկվել, բայց մեծ պայթյուն չի եղել Գազելում։ «Փոքր տրաքոցներ էին, ուղղակի մեքենան միանգամից բռնկվեց, և ոչ մի բան չհասցրինք անենք»,- ասաց նա։

Ըստ ականատեսի՝ ինքը փորձել է փրկել երիտասարդ աղջկա, բայց չի կարողացել։ «Ես էն պահին հասա, որ տեսա աղջիկը կախված էր մեջքով, ուզում էի հանեի, բայց չկարեցա, բոցը տվեց վրես, վախեցա։ Ես անձամբ տեսել եմ 4-5 հոգի զոհ: Տեսա, որ Գազելի վարորդը զոհվել էր, ընկած էր աջի վրա, հավանաբար փորձել էր կողքի դռնով դուրս նետվել, չէր կարողացել: Իմ աչքի առաջ վառվում էին, մոխրանում էին մարդիկ»,- ասաց ականատգեսը։

Հիշեցնենք, որ Երևան-Երասխ ճանապարհին՝ Զոդի կամրջի վրա, այսօր տեղի է ունեցել խոշոր վթար, բախվել են երեք մեքենա, հրդեհ է բռնկվել։ Նախնական տվյակներով՝ զոհվել է վեց, վիրավորվել 11 մարդ։