Ազատ ոճային ըմբիշ, Եվրոպայի կրկնակի չեմպիոն, աշխարհի բրոնզե մեդալակիր Արսեն Հարությունյանը Զագրեբում ընթացող ըմբշամարտի Եվրոպայի առաջնությունում փայլուն հանդես եկավ նաև իր երկրորդ գոտեմարտում։ 61 կգ քաշայինների 1/2 եզրափակիչում նա 10։0 հաշվով առավելության հասնելով Ֆրանսիան ներկայացնող հայազգի ըմբիշ Արման Էլոյանի նկատմամբ:
Հարությունյանը պայքարը սկսել է քառորդ եզրափակիչից, որտեղ 7:0 հաշվով վստահ հաղթանակ էր տարել թուրք Էմրահ Օրմանօղլուի նկատմամբ:
Երեկոյան Եվրոպայի չեմպիոնի կոչման համար կպայքարի Վազգեն Թեւանյանը՝ 65 կգ քաշայինների եզրափակիչում ուժերը չափելով Բուլղարիան ներկայացնող Միքայ Սալիմ Նաիմի հետ:
Հայաստանի մյուս ներկայացուցիչ, 79 կգ քաշային Արման Ավագյանը կպայքարի բրոնզե մեդալի համար:
