Երևանի նախկին քաղաքապետ, դերասան, պրոդյուսեր Հայկ Մարությանի գրասենյակը հրապարակել է Երևանի ավագանու ընտրություններին «Ազգային առաջընթաց» կուսակցության նախընտրական ցուցակի առաջին քսան համարը։ Ցուցակը կգլխավորի Մարությանը։
Նախընտրական ցուցակի առաջին քսանյակը հետևյալ տեսքն ունի.
1. Հայկ Մարության – պրոդյուսեր (Երևանի նախկին քաղաքապետ, նրան ավագանու անդամները անվստահություն էին հայտնել և նույն նիստում 44 կողմ, 10 դեմ, 3 անվավեր ձայնով Երևանի նոր քաղաքապետ ընտրել նրա առաջին տեղակալ Հրաչյա Սարգսյանին)
2. Հայկ Գրիգորյան – իրավաբան (կուսակցության վարչության անդամ)
3. Իզաբելլա Աբգարյան – դասախոս («Իմ քայլը» խմբակցության նախկին ավագանու անդամ, նա «Իմ քայլը» խմբակցությունից դուր էր եկել 44-օրյա պատերազմից հետո և դարձել էր ավագանու անկախ անդամ)
4. Գրիգորի Երիցյան – քաղաքագետ (Երևանի ավագանու «Իմ քայլը» խմբակցության նախկին անդամ, նա Հայկ Մարությանի անվստահության գործընթացից անմիջապես հետո վայր էր դրել ավագանու մանդատը)
5. Քրիստինա Վարդանյան – բժշկական գիտությունների թեկնածու, դոցենտ ( «Բարգավաճ Հայաստան» խմբակցության ավագանու անդամ է եղել, նաև զբաղեցրել է Երևանի քաղաքապետարանի «Կանաչապատում և շրջակա միջավայրի պահպանություն» ՀՈԱԿ-ի փոխտնօրենի պաշտոնը: Ըստ մամուլում շրջանառվող տեղեկությունների, Վարդանյանը քաղաքապետարանում աշխատանքի էր անցել Հայկ Մարությանի կնոջ՝ Իվա Մարությանի ընկերուհին լինելու հանգամանքով պայմանավորված:)
6. Պեդրո Զարոկյան – գյուղատնտես
7. Իոսիֆ Կուբատյան – հանրային կառավարման մասնագետ ( Երևանի քաղաքապետարանի լրատվական վադչության նախկին պետն է եղել)
8. Սամվել Մելիքյան – իրավաբան
9. Արաքսի Դիլանյան – հանրային առողջապահության մասնագետ
10. Արամ Թորոսյան – ֆիլմարտադրող
11. Ռոբերտ Ծովյան – անհատ ձեռնարկատեր
12. Նարինե Արամյան – իրավապաշտպան
13. Տիգրան Պետրոսյան – տեղեկատվական տեխնոլոգիաների մասնագետ
14. Արամ Մանուկյան – անհատ ձեռնարկատեր
15. Սեդա Տեր-Մինասյան – լրագրող, թարգմանիչ
16. Վահագն Իսոյան – հրատարակիչ
17. Մուշեղ Հակոբյան – տեղեկատվական տեխնոլոգիաների մասնագետ
18. Լամարա Մանուկյան – թերապևտ-սրտաբան
19. Արմեն Հովսեփյան – գործարար կառավարման մասնագետ
20. Վարդան Զատիկյան – ինժեներ-մեխանիկ
Հիշեցնենք՝ Երևանի ավագանու ընտրությունների առաջադրումը ԿԸՀ-ում ավարտվել է, ներկայացված փաստաթղթերը ստուգելու և առաջադրված թեկնածուներին գրանցելու համար ԿԸՀ-ն ժամանակ ունի 5 օր՝ մինչև օգոստոսի 18-ը։
