Իրանի իշխանությունները կախաղան են հանել երեք տղամարդու և մեկ կնոջ՝ Իսրայելի օգտին լրտեսության մեղադրանքով։Այս մասին հայտնում է «Ազատություն»-ը:
Պաշտոնական աղբյուրների հաղորդմամբ, նրանք մեղավոր են ճանաչվել Իրանի անվտանգության ուժերի մի քանի ներկայացուցիչների գերեվարելու, գաղտնի տեղեկություններ հավաքագրելու և դիվերսիաներ նախապատրաստելու համար։
Այս մահապատժից մոտ մեկ շաբաթ առաջ Սիրիայում սպանվել էր Իրանի հեղափոխական գվարդիայի բարձրաստիճան զինվորականներից մեկը, ենթադրաբար իսրայելական կողմի ավիահարվածից։ Թեհրանը սպառնացել էր վրեժխնդիր լինել։