Մոսկվայի հիվանդանոցում մահացել է 35-ամյա Կարեն Ենգիբարյանը, ով «Կրոկուս Սիթի Հոլում» տեղի ունեցած ահաբեկչությունից հետո օգնել է մարդկանց դուրս գալ այրվող շենքից։ «Արմենպրես»-ի հաղորդմամբ՝ այս մասին հայտնել է Ռուսաստանի հայերի միությունը։
Նշվում է, որ ահաբեկիչների հարձակման պահին Ենգիբարյանը դեպքի վայրից ոչ հեռու է եղել։ Տեսնելով ծուխը՝ նա վազել է դեպի համերգասրահ և սկսել օգնել մարդկանց դուրս գալ այրվող շենքից։
Ենգիբարյանը թունավորվել է շմոլ գազից, մրսել և հիվանդանոց է տեղափոխվել շնչուղիների սուր վարակով, և մի քանի օր անց նա մահացել։
