Եվրահանձնաժողովի նախագահ Ուրսուլա ֆոն դեր Լայենն ու Ադրբեջանի նախագահ Իլհամ Ալիևը հեռախոսազրույց են ունեցել։
«Արմենպրես»-ի փոխանցմամբ՝ այս մասին Եվրոպական հանձնաժողովի նախագահը գրառում է կատարել X-ի իր միկրոբլոգում։
«Այսօր Ադրբեջանի նախագահ Ալիևի հետ իմ հեռախոսազրույցի ընթացքում քննարկեցինք Եվրոպական միության և Ադրբեջանի միջև կարևոր հարաբերությունները՝ կայուն և բարգավաճ Հարավային Կովկասի շրջանակներում»,- նշվում է գրառման մեջ։
Եվրահանձնաժողովի նախագահը պատրաստակամություն է հայտնել ակտիվացնել գործողությունները ականազերծմանն աջակցելու ուղղությամբ։
«Մենք նաև քննարկեցինք, թե ինչպես հաջողության հասնել Բաքվի COP29 համաժողովում»,- եզրափակել է նա։
