Հայաստանի բռնցքամարտի հավաքականը սկսում է պայքարը Եվրոպայի առաջնությունում:
Մրցումային հերթական օրը` ապրիլի 19-ին, Հայաստանն ունի երկու ներկայացուցիչ:
«Արմենպրես»-ի հաղորդմամբ` Սերբիայի մայրաքաղաք Բելգրադում ընթացող Եվրոպայի առաջնությունում Հայաստանի ընտրանու կազմում ապրիլի 19-ին պայքարի մեջ կմտնեն 60 կգ քաշային Արթուր Սահակյանը և 75 կգ քաշային Վախթանգ Հարությունյանը: Սահակյանի մրցակիցը Վրաստանի, իսկ Հարությունյանինը` Հունգարիայի ներկայացուցիչներն են:
Եվրոպայի առաջնությունը վարկանիշային չէ Փարիզի Օլիմպիական խաղերի համար:
