Հունգարիայի մայրաքաղաք Բուդապեշտում ավարտված շախմատի Համաշխարհային 45-րդ Օլիմպիադայի փակման արարողության ժամանակ Հայաստանի հավաքականներն արժանացել են հատուկ մրցանակների:
Գլխավոր մրցանակներից բացի, Օլիմպիադայում սահմանված էին նաև հատուկ մրցանակներ ըստ վարկանիշային խմբերի։ Հայաստանի կանանց հավաքականն իր վարկանիշային խմբում նվաճել է արծաթե մեդալ, իսկ տղամարդկանց հավաքականը՝ բրոնզե մեդալ:
45-րդ Օլիմպիադան դարձել է պատմության մեջ ամենախոշորը: Տղամարդկանց պայքարին մասնակցել է 188, իսկ կանանց մրցաշարին՝ 169 թիմ: Հիշեցնենք, որ Հայաստանի կանանց հավաքականը Օլիմպիադայում գրավել էր 5-րդ տեղը, իսկ տղամարդկանց հավաքականը` 6-րդ։
