Կառավարության սեպտեմբերի 26-ի նիստում ընդունվեց որոշման նախագիծ, որով առաջարկվում է բարձրացնել ԱԻՆ շարքային ծառայության աշխատողների աշխատավարձը՝ 85-90 հազարից դարձնելով 130 հազար դրամ։
«ԱԻ նախարար Ֆելիքս Ցոլակյանը այս առիթով Ֆեյսբուք սոցիալական ցանցում գրել է.
Սիրելի փրկարարնե՛ր, քիչ առաջ ավարտվեց կառավարության նիստի հրշեջ-փրկարարների աշխատավարձերի բարձրացմանը վերաբերող հարցի քննարկումը:
Կառավարության որոշմամբ՝ հոկտեմբերի 1-ից կբարձրանա փրկարարների աշխատավարձը:
Ինչպես և խոստացել էինք՝ Էապես կբարձրանա հատկապես ԱԻՆ Փրկարար ծառայության կրտսեր կազմի աշխատավարձը:
Շնորհակալ եմ վարչապետին և կառավարությանը աջակցության համար:
Բարի և անփորձանք ծառայություն եմ մաղթում մեր փրկարարներին:
Խիղճ և խաղաղություն բոլորիս»:
