ՀՀ Պաշտպանության նախարարությունը հերքում է հայկական Զինված ուժերի կողմից Ղազախի ուղղությամբ դիվերսիայի փորձ ձեռնարկելու մասին լուրը, որն այսօր տարածել է ադրբեջանական լրատվամիջոցներից մեկը:
«Ապատեղեկատվություն է, դիվերսիայի փորձ չի ձեռարկվել»,- Factor.am-ին ասաց ՊՆ խոսնակ Արծրուն Հովհաննիսյանը: Սահմանային իրավիճակն ընդհանուր առմամբ, ըստ Հովհաննիսյանի, համեմատաբար հանգիստ է: Նշենք, որ ադրբեջանական աղբյուրները հայտնել են հայկական Զինված ուժերի կողմից երեկ երեկոյան ձեռնարկված դիվերսիայի փորձ կանխելու մասին:
Այդ ընթացքում նաև հայկական կողմից, իբր, ինտենսիվ հրետակոծություն է եղել, ինչը նույնպես հայկական պաշտպանական գերատեսչությունը չի հաստատում: