«Ռոմեո և Ջուլիետը» կցուցադրվի Վանաձորում

«Ռոմեո և Ջուլիետը» կցուցադրվի Վանաձորում
«Ռոմեո և Ջուլիետը» կցուցադրվի Վանաձորում

«Ռոմեո և Ջուլիետը» կցուցադրվի Վանաձորում։ Այս մասին տեղեկացնում է Ստանիսլավսկու անվան ռուսական դրամատիկական թատրոնի մամուլի ծառայությունը։

«Երևանի Կ. Ս. Ստանիսլավսկու անվան ռուսական դրամատիկական թատրոնը կմասնակցի սեպտեմբերի 10-ից հոտկեմբերի 5-ը Վանաձորում անցկացվող «Աբելյանական» 3-րդ հանրապետական և «Թատերական Լոռի» 25-րդ միջազգային փառատոներին:

Այս տարի փառատոները միավորվել են Ամենայն հայոց բանաստեղծ Հովհաննես Թումանյանի 150-ամյակի շուրջ՝ կարևորելով Թումանյանի մեծագույն ներդրումը հայ մշակույթի մեջ:
Հոկտեմբերի 3-ին Վանաձորի Հ. Աբելյանի անվան դրամատիկական թատրոնի բեմում ռուսական թատրոնը կցուցադրի «Ռոմեո և Ջուլիետ» /ըստ Ու. Շեքսպիրի պիեսի/ ներկայացումը` թատրոնի գեղարվեստական ղեկավար Կարեն Ներսիսյանի բեմադրությամբ:

Ներկայացման առաջնախաղը կայացել է 2018թ.-ի մայիսի 25-ին:

Փառատոնին մասնակցում են ոչ միայն ՀՀ մարզային և երևանյան թատրոնները, այլև Թբիլիսիի Պետրոս Ադամյանի անվան հայկական պետական դրամատիկական, ինչպես նաև Ճապոնիայի Սայտամա նահանգի Իտո Գումի թատրոնը՝ խաղացանկային լավագույն ներկայացումներով ու պրեմիերաներով:

Ազգային, ավանդական մշակութային շատ երևույթներ փառատոնի շրջանակում թատերասերներին մատուցվում են առավել նոր, դինամիկ և հագեցած տարբերակով»,-մասնավորապես նշված է հաղորդագրության մեջ: