Երևանի ընդհանուր իրավասության դատարանում նախագահող դատավոր Մնացական Մարտիրոսյանը կրկին մերժեց Ազգային ժողովի նախկին պատգամավոր Մանվել Գրիգորյանի խափանման միջոց կալանավորումը այլընտրանքային խափանման միջոցով փոխարինելու միջնորդությունը:
Ինչպես տեղեկացնում է «Արմենպրես»-ը, Գրիգորյանի պաշտպանները միջնորդել էին Գրիգորյանի խափանման միջոց կալանավորումը փոխել՝ այլընտրանքային խափանման միջոցով, քանի որ Գրիգորյանի առողջական վիճակը գնալով ավելի է վատանում: Մանվել Գրիգորյանը նոյեմբերի 5-ին ևս դատական նիստին չէր ներկայացել առողջական վիճակի պատճառով։
