Գրանտակերները. Հարուցվել է քրեական գործ` պաշտոնատար անձանց կողմից չարաշահումներ կատարելու առթիվ

Գրանտակերները. Հարուցվել է քրեական գործ` պաշտոնատար անձանց կողմից չարաշահումներ կատարելու առթիվ
Գրանտակերները. Հարուցվել է քրեական գործ` պաշտոնատար անձանց կողմից չարաշահումներ կատարելու առթիվ
Հեղինակ MediaLab

Հարուցվել է քրեական գործ` պաշտոնատար անձանց կողմից չարաշահումներ կատարելու, այդ թվում` հակամրցակցային գործունեություն իրականացնելու դեպքերի առթիվ։ Այս մասին տեղեկացնում է ՀՔԾ հաղորդագրությունը, որը ներկայացնում ենք ստորեւ։ 

«ՀՀ հատուկ քննչական ծառայությունում ՀՀ պետական վերահսկողական ծառայությունից ստացված նյութերի հիման վրա ՀՀ քրեական օրենսգրքի 308-րդ և 315-րդ հոդվածի 2-րդ մասերով, 195-րդ հոդվածի 2-րդ մասի 3-րդ կետով և 179-րդ հոդվածի 3-րդ մասի 1-ին կետով հարուցվել է քրեական գործ` ոստիկանության կողմից տրանսպորտային ու այլ տեխնիկական միջոցների ձեռքբերման ու սպասարկման, տարբեր ծառայությունների և ապրանքների գնման ընթացակարգերի, մի շարք ընկերություններին տրամադրված դրամաշնորհների ու սուբսիդիաների ծախսման գործընթացներում պետական ծառայություն իրականացնող պաշտոնատար անձանց կողմից պաշտոնեական լիազորությունները չարաշահելու, պաշտոնեական անփութություն կատարելու, պաշտոնեական դիրքն օգտագործելով` հակամրցակցային գործունեություն իրականացնելու առերևույթ հանցագործության դեպքերի առթիվ:

Կատարվում է նախաքննություն:

Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով»: