Գլխավոր դատախազ Արթուր Դավթյանն այսօր լրագրողների հետ զրույցում անդրադարձավ հարցին, որ հետախուզման մեջ գտնվող նախկին պաշտոնյաները թաքնվում են հիմնականում Ռուսաստանում:
Նախկին պաշտոնյաներից Միքայել Հարությունյանը, Միհրան Պողոսյանը, Գևորգ Կոստանյանը, ովքեր անցնում են խոշոր քրեական գործերով, Ռուսաստանում են գտնվում:
Հարցին, թե ինչո՞ւ են նրանց հենց Ռուսաստան գնում, Արթուր Դավթյանը պատասխանեց. «Երևի հեշտ է Ռուսաստան գնալը: Ռուսաստանը մեր ռազմավարական գործընկերն է, որի հետ շատ ավելի բաց շփման ռեժիմներ ունենք, ազատ շփումների ու ելումուտի պայմաններ ունենք: Որտեղ խստացված վիզային ռեժիմ կա, բնականաբար, այդ երկրներ չեն կարող գնալ: Ամեն փախնող իր հնարավորությունների գյորա փախնում է»: